ҺАВА ТОРЫШЫ -11 oC

Яңалыклар

барлык хәбәрләр Татарстан Россия

Хәвеф-хәтәр

Татарстанның Лаеш районында терлек абзары янган

14 сентябрь 2018, 11:55

Янгын аркасында авыл кешеләренең 50 үрдәге һәм эт һәлак булган.

(Казан, 14 сентябрь, «Татар-информ»). Татарстанның Лаеш районында терлек абзары янган. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

Кичә көндез Габиш авылының Яшьләр проспектында кирпечтән төзелгән зур терлек абзарына ут капкан. Урынга биш автомобильдә ут белән көрәшүчеләр килгән. Янгынның мәйданы 320 квадрат метрдан артык тәшкил иткән.

Зыянның күләме әлегә билгеле түгел. Янгында беркем дә зыян күрмәгән. Хәзерге вакытта белгечләр аның сәбәпләрен ачыклый. Бер версия буенча, абзарга ут төрткән булырга мөмкиннәр.

«Татарстан-24» хәбәр иткәнчә, янгын нәтиҗәсендә авыл кешеләренең 50 үрдәге һәм эт һәлак булган.

 

 


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10