ҺАВА ТОРЫШЫ +6 oC

Яңалыклар

барлык хәбәрләр Татарстан Россия

Татар дөньясы

Ижевскида "Чәкчәк бәйрәме"ндә "Баллы гаилә"не ачыклаячаклар

6 октябрь 2018, 17:17

Акциянең максаты - Ижевск халкын татар милли ризыгы белән таныштыру, яшьләрдә толерантлык хисләре тәрбияләү.
(Казан, 6 октябрь, "Татар-информ"). 28 октябрь көнне Ижевск шәһәрендә, "Чәкчәк бәйрәме" акциясе кысаларында "Чәкчәк бәйрәме - баллы гаилә" дип исемләнгән конкурс узачак. Бу хакта җирле татарларның "Иман" оешмасы хәбәр итә. 
 
Акциянең максаты- Ижевск халкын татар милли ризыгы белән таныштыру, яшьләрдә толерантлык хисләре тәрбияләү. Чара кысаларында иң яхшы чәкчәкне ачыклау да күздә тотыла. Шулай ук бәйгеләр үткәрү, бәйрәм концерты уздыру планлаштырыла. 
 
"Чәкчәк бәйрәме" Ижевск каласында тугызынчы тапкыр үткәреләчәк. Оештыручылар сүзләренчә, шәһәр халкы чарада елдан-ел активрак катнаша. 
 
  • 28 октябрьдә "Чәкчәк бәйрәме", Бөтендөнья Яшьләр форумы карары нигезендә, Дөньяның татарлар яши торган барлык җирлекләрендә дә үткәреләчәк.  

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10