ҺАВА ТОРЫШЫ -4 oC

Яңалыклар

барлык хәбәрләр Татарстан Россия

Татар дөньясы

Мордовиядә беренче тапкыр "Татар кызы" конкурсы уза

6 октябрь 2018, 16:56 , Фото: соцсети

Мордовиядә беренче тапкыр Җиңүчегә Казанга ике кешелек юллама тапшырылачак.
(Казан, 6 октябрь, "Татар-информ"). Мордовиядә беренче тапкыр "Татар кызы"н сайлаячаклар. Бу хакта конкурсның төбәк өлешен оештыручылар хәбәр итә. 
 
Бәйгедә кызларның матурлыклары гына түгел, ә тыйнаклык, тугрылык, эш сөючәнлек сыйфатлары, халык йолаларына һәм гореф-гадәтләренә хөрмәт һәм яратулары да исәпкә алыначак. 
 
Сайлап алу турын узган 9 туташ жюрига сәләтләрен күрсәтергә, милли киемнәрдән дефиле белән чыгыш ясарга, аш-суга осталыкларын күрсәтергә тиеш була. 
 
Мордовиянең "Татар кызы-2018" исеменә лаек булучыны ноябрь башында ачыклаячаклар. Җиңүчегә Казанга ике кешелек бай программалы юллама тапшырылачак. 
 
Татар халкының мәдәниятен, гореф-гадәтләрен, йолаларын популярлаштыруны максат итеп куйган бәйгене Мордовия татарларының "Якташлар" милли-мәдәни автономиясе, "Ислам мәдәни үзәге", Мордовия Республикасы татар хатын-кызларының "Чулпан" иҗтимагый оешмасы уздырыла. 
 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10