ҺАВА ТОРЫШЫ -6 oC

Яңалыклар

барлык хәбәрләр Татарстан Россия

Спорт

Әтнә өлкәннәре шахмат уйнады

11 октябрь 2018, 01:00 , Фото: atnya-rt.ru/

Әтнә өлкәннәре шахмат уйнады "Ашыт”спорт үзәгенә 25 өлкән шахматчы җыйналды, аларның күбесе республика ярышларында призлы урыннар алып кайтучылар.

(Әтнә, 11 октябрь, “Татар-информ, “Әтнә таңы”)."Ашыт”спорт үзәгенә 25 өлкән шахматчы җыйналды, аларның күбесе республика ярышларында призлы урыннар алып кайтучылар. Районның ерак авылларыннан килүчеләр дә бар иде. Бәйге Өлкәннәр көненә багышланды, шунлыктан 55 яшьтән өлкән хатын-кызлар һәм 60 яшьтән узган ир-атлар катнашты. Ярышның судьясы - тренер Раил Шакиров, дип яза җирле басма сайты.

Сәгать 10 да башланган ярыш 15.00 сәгатькә кадәр барды һәм җиңүче булып, ирләр арасында озак еллар шахмат уйнаучы Зөлкарнайн абый Сабиров калды.

Икенче урында - шулай ук гомер буе шахматны ташламаган Әгъзәм абый Борһанов. Өченче урында - күп шахмат бәйгеләрендә җиңү яулаган Данил абый Сәләхетдинов. Хатын-кызлар арасында беренчелек - Әлфия Закировада. Яшьләр эше һәм спорт бүлегенең әйдәп баручы белгече Миләүшә Гарипова бәйгедә җиңүчеләрнең һәм катнашучыларның һәркайсына бүләкләр тапшырып, аларны бәйрәмнәре белән котлады.Өлкәннәр барысы да рәхмәт әйтеп, зур канәгатьләнү хисе белән таралыштылар, диелә район хәбәрендә.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10