ҺАВА ТОРЫШЫ -3 oC

Яңалыклар

барлык хәбәрләр Татарстан Россия
×

Мәдәният

Габдулла Тукайның тормышы һәм иҗат юлына багышланган беренче китап Казанда тәкъдим ителә

11 октябрь 2018, 10:29

Басмада татар шигърияте классигының 1907 елга кадәрге тормышы һәм иҗатына багышланган материаллар урын алган.

(Казан, 11 октябрь, «Татар-информ»). 16 октябрьдә Г.Тукай музеенда «Габдулла Тукай: тормышы һәм иҗаты» дигән китап тәкъдим ителәчәк. Әлеге китап «Габдулла Тукайның тормыш һәм иҗат юлы хроникасы» проектының беренче өлеше булып тора. Бу хакта ТР Фәннәр академиясенең Г.Ибраһимов исемендәге Тел, әдәбият һәм сәнгать институты матбугат хезмәте хәбәр итә.

Басмада татар шигърияте классигының 1907 елга кадәрге тормышы һәм иҗатына багышланган материаллар тәкъдим ителгән. Әлеге материаллар аның замандашларының хатирәләре, газета-журналларда чыккан мәкаләләр (һ.б.) нигезендә тупланган.

Китап татар әдәбияты һәм мәдәнияте белән кызыксынучы укучыларга адреслана

Чарада ТР Фәннәр академиясе, республиканың фәнни һәм фәнни-белем бирү учреждениеләре, Татарстан Язучылар берлеге, гаммәви мәгълүмат чаралары вәкилләре катнаша. Башлана – 14.00 сәгатьтә. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10