ҺАВА ТОРЫШЫ -3 oC

Яңалыклар

барлык хәбәрләр Татарстан Россия
×

Җәмгыять

Сәламәтлек саклау министрлыгы 2019 елда медицина алдындагы төп бурычларны билгеләде

11 октябрь 2018, 12:30

Сәламәтлек саклау министрлыгы планнары буенча, киләсе елда Татарстан халкының ким дигәндә 90 проценты диспансеризация узарга тиеш.

(Казан, 11 октябрь, «Татар-информ»). Татарстан Сәламәтлек саклау министрлыгы 2019 елда республика медицинасы алдындагы төп бурычларны билгеләде. Бу хакта ведомствоның матбугат хезмәте хәбәр итә.

Сәламәтлек саклау министрлыгы планнары буенча, киләсе елда Татарстан халкының ким дигәндә 90 проценты диспансеризация узарга тиеш. Шулай ук, республика табиблары планнары нигезендә, безнең төбәктә кан әйләнеше системасы авыруларыннан үлүчеләр саны – 3, яман шештән 2,5 процентка кимергә тиеш.

Министрлык Татарстан поликлиникалары алдына планлы медицина ярдәме күрсәткән вакытта табибны көтү вакыты күп дигәндә 14 көн тәшкил итәргә тиеш дигән бурыч куйды.

Ведомство өчен өстенлекле бурычларны республикада яшәүчеләр билгели. ТР Президенты Рөстәм Миңнеханов Татарстан Дәүләт Советына еллык Юлламасында төбәк ведомстволары алдындагы төп бурычларны билгеләгәндә халыкның турыдан-туры катнашуының әһәмияте хакында белдергән иде. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10