ҺАВА ТОРЫШЫ +4 oC

Яңалыклар

барлык хәбәрләр Татарстан Россия

Хәвеф-хәтәр

Чаллыда инвалид ир-ат үз фатирында янып үлгән

11 октябрь 2018, 14:22 , Фото: ГУ МЧС России по РТ

Чаллыда инвалид ир-ат үз фатирында янып үлгән Янгын саксыз тәмәке тарту аркасында килеп чыккан дип фаразлана.

(Казан, 11 октябрь, «Татар-информ»). Бүген төнлә Чаллыда 79 яшьлек инвалид ир-ат үз фатирында янып үлгән. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

48нче комплекста урнашкан 13нче йорттагы ике бүлмәле фатирда янгын чыгуы турындагы хәбәр 112 бердәм номерына бүген төнлә килгән.

Чакыру буенча урынга юл тоткан 54нче янгын-коткару часте хезмәткәрләре ут капкан фатирның ишеген ачып кергәч, залда диванда яткан 79 яшьлек инвалид ир-атның мәетенә тап булган.

«Ир-атны берничә инсульт кичергәннән соң паралич суккан. Ул ялгызы яшәгән. Фатир хуҗасының кызы әйтүенчә, ул урын өстендә еш кына тәмәке тарткан», - дип шәрехләделәр әлеге вазгыятьне Россия Гадәттән тыш хәлләр министрлыгының ТР буенча Баш идарәсе матбугат хезмәтендә.

Янгын саксыз тәмәке тарту аркасында килеп чыккан дип фаразлана.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10