ҺАВА ТОРЫШЫ -10 oC

Яңалыклар

барлык хәбәрләр Татарстан Россия

Фән һәм мәгариф

«Абилимпикс» чемпионатына Татарстаннан мөмкинлекләре чикләнгән 30дан артык кеше узды

2 ноябрь 2018, 11:00 , Фото: mon.tatarstan.ru

«Абилимпикс» чемпионатына Татарстаннан мөмкинлекләре чикләнгән 30дан артык кеше узды Казанда инвалидлар арасында һөнәри осталык буенча төбәк чемпионатын ябу тантанасы булды.

(Казан, 2 ноябрь, «Татар-информ», Надежда Гордеева). Казанда «Абилимпикс»-2018 инвалидлар арасында һөнәри осталык буенча төбәк чемпионатына нәтиҗә ясадылар. Беренче урынга лаек булган 32 татарстанлы 21-22 ноябрьдә Мәскәүдә узачак IV Илкүләм чемпионатта катнаша.

Быел төбәк чемпионатында 180нән артык конкурсант катнашты, алар 25 компетенция буенча ярышты. 162 эксперт, шул исәптән предприятие вәкилләре арасыннан компетенцияләр буенча 25 баш эксперт җәлеп ителде. Ярышлар «Студентлар», «Белгечләр» һәм «Мәктәп укучылары» категорияләре буенча оештырылды.

Чемпионатны ябу һәм җиңүчеләрне бүләкләү тантанасы Казан сәүдә-икътисад техникумында узды.

«Иң мөһиме, сезнең һәркайсыгыз чын мәгънәсендә батырлык кылды – курку һәм икеләнүләрен җиңде. Беренче адымны ясавы һәрвакыт кыен», - диде конкурсантларга ТР Дәүләт Советы депутаты, ТР Инвалидлар җәмгыяте рәисе Рифат Ганибаев.

«Узган ел белән чагыштырганда, компетенцияләр саны 7дән 25кә, чемпионатта катнашучылар саны өч тапкыр артты. Әлеге динамика ел саен дәвам итәр дип уйлыйм», - дип белдерде ТР мәгариф һәм фән министры Рафис Борһанов.

Чемпионат барган көннәрдә гомумбелем бирү, шулай ук сәламәтлек мөмкинлекләре чикләнгән балалар өчен каралган мәктәпләрдә белем алучылар, аларның ата-аналары (500дән артык кеше) конкурс мәйданчыкларында булды. Теләгән һәркем мастер-класслар, тренингларда катнашты, һөнәри тестлаштыру узды.

  • «Абилимпикс» – төп бурычы һөнәри ориентация, инвалидлар яки сәламәтлек мөмкинлекләре чикләнгән кешеләрне һөнәри белем алуга мотивацияләүдән гыйбарәт булган халыкара хәрәкәт. Татарстан әлеге хәрәкәткә 2015 елда кушылды.

 


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10