ҺАВА ТОРЫШЫ -10 oC

Яңалыклар

барлык хәбәрләр Татарстан Россия

Авыл

Умартачылар бал кортларын кышлату тәҗрибәсен уртаклашты

4 ноябрь 2018, 13:51 , Фото: agro.tatarstan.ru

Умартачылар бал кортларын кышлату тәҗрибәсен уртаклашты Арча районында умарталарны кышка әзерләү буенча зона семинар-киңәшмәсе узды.

(Казан, 4 ноябрь, “Татар-информ”). 2 ноябрьдә Арча районы Мәдәният йортында зона семинар-киңәшмәсендә умарталарны кышка әзерләү мәсьәләләре тикшерелде. Бу хакта Татарстан Авыл хуҗалыгы һәм азык-төлек министрлыгы матбугат хезмәте хәбәр итә.

Эшлекле сөйләшүдә Россиядә һәм Татарстанда умартачылык тармагының торышы, умартачылык продукциясен әзерләү һәм сату турында фикер алышу барды, үзара тәҗрибә уртаклашу булды.

Зона семинар-киңәшмәсе кысаларында “Иң яхшы бал – 2018”, “Умартачы осталыгы", “Иң яхшы умартачы – 2018” һәм “Умартачылык продукциясе белән иң матур бизәлгән стенд” номинацияләрендә бәйге җиңүчеләрен билгеләделәр.

Чарада Арча, Балтач, Буа, Биектау, Яшел Үзән, Кама Тамагы, Кукмара, Мамадыш, Питрәч, Саба һәм Теләче муниципаль районнарының барлык милек рәвешләрендәге умартачылары катнашты.

Семинар бәйгедә призлы урын алучыларны бүләкләү белән тәмамланды.

Киңәшмәне “Татарстан Республикасының аквакультура һәм умартачылык идарәсе” оешмасы генераль директоры вазифасын башкаручы Ринат Нәбиуллин алып барды.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10