ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Икътисад

Татарстанда эшсезлек дәрәҗәсе кимегән

8 ноябрь 2018, 08:21

Быел республикада 10 064 кеше рәсми рәвештә эшсез дип теркәлгән.

(Казан, 8 октябрь, "Татар-информ"). 6 ноябрьгә теркәлгән күрсәткечләр буенча Татарстанда 10 064 кеше рәсми рәвештә эшсез булып исәпләнә. Бу узган хисап датасына караганда 208 кешегә кимрәк. Бу турыда Хезмәт, халыкны эш белән тәэмин итү һәм социаль яклау министрлыгы матбугат хезмәте хәбәр итте.

Татарстанда теркәлгән эшсезлек дәрәҗәсе эшче көчләр саныннан 0,49 процент тәшкил итә.

Хисап атнасында эш бирүчеләр 2 220 вакантлы эш урыны тәкъдим иткән. Хезмәт базарында киеренкелек коэффициенты шартлы рәвештә бер вакансиягә 0,24 кеше тәшкил иткән. Бу атнада 487 татарстанлы эшсез дип танылган.

Яңа эшсезләрдән 461 кеше элек хезмәт эшчәнлеген башкарган. 32 кеше оешма бетерелүгә яки хезмәткәрләр штаты кыскаруга бәйле рәвештә рәсми эшсез статусын алды, диелгән әлеге хәбәрдә. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10