ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Авыл

Кәҗә асраучыларга тиешле субсидия якын арада таратылачак – авыл хуҗалыгы министрлыгы

8 ноябрь 2018, 15:00 , Фото: архив/Регина Гумарова

Кәҗә асраучыларга тиешле субсидия якын арада таратылачак – авыл хуҗалыгы министрлыгы  “Шәхси хуҗалыкларга акча шушы арада китәчәк”, - диде министр урынбасары Ришат Хәбипов.

(Казан, 8 ноябрь, “Татар-информ”, Чулпан Шакирова). Савым кәҗәләре һәм бер яшьтән зуррак кәҗә асраучыларга тиешле бер мең сум субсидиянең кайчан биреләсе мәгълүм булды. Бу хакта “Татар-информ”га ТР Авыл хуҗалыгы министрының икътисад һәм аграр үзгәрешләр буенча урынбасары Ришат Хәбипов әйтте.

“ТР Министрлар Кабинетында, савым кәҗәләре һәм бер яшьтән зуррак кәҗә асрауга тотылган чыгымнарны каплау өчен, субсидия бүленү турында боерык кабул ителде. Без һәр районның авыл хуҗалыгы идарәләреннән 2018 елның 1 ноябренә булган исәп-хисапны сораттык, - диде Ришат Хәбипов.

Министр урынбасары сүзләренчә, районнарга субсидия барлык документлар җыелып беткәч тә китәчәк.

"Минем уйлавымча, кәҗә асраучылар тиешле субсидияне шушы арада алыр”, - диде Ришат Хәбипов. 

  • Быел сөт бәяләре төшә башлагач, бер сыер асраучыга – 2, ике сыер асраучыга – 3, өч баштан күбрәк сыер асраучыларга 4 мең сум субсидия бирелде. Гадәттә, ярдәм күләме бер сыерга өч мең сумны тәшкил итә иде. Шунлыктан кәҗә асраучылар субсидия алмый калды.

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10