ҺАВА ТОРЫШЫ -2 oC

Яңалыклар

барлык хәбәрләр Татарстан Россия

Хәвеф-хәтәр

Төнлә Казан бакчачылык ширкәтендә газүткәргеч янган

9 ноябрь 2018, 11:12 , Фото: ГУ МЧС России по РТ

Төнлә Казан бакчачылык ширкәтендә газүткәргеч янган Янгында газүткәргечнең герметик матдәсе тулаем янып беткән.

(Казан, 9 ноябрь, "Татар-информ"). Төнлә Казанның Идел буе районы бакчачылык ширкәтендә газүткәргеч янган. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

"Казанның Көньяк Сәнәгать урамындагы "Защита" бакчачылык ширкәтендә янгын турындагы хәбәр бердәм 112 ашыгыч хезмәте номерына бүген 4 сәгать 45 минутта алынган", – диелгән Гадәттән тыш хәлләр министрлыгы матбугат хезмәте хәбәрендә.

Янгын сүндерүчеләр сарайны 50 квадрат метрда ут ялмап алуын, ә һавадагы газүткәргечтән ялкын чыгуын күргән.

"Казан шәһәр газ хезмәте" компаниясе хезмәткәрләре газ торбасын тиз арада япкан, янгын сүндерелгән. Газүткәргечнең герметик матдәсе тулаем янып беткән.


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10