ҺАВА ТОРЫШЫ -2 oC

Яңалыклар

барлык хәбәрләр Татарстан Россия

Авыл

Быел Татарстанда 36 яңа авыл хуҗалыгы кооперативы төзелгән

9 ноябрь 2018, 11:44

Эш башлаучы кооперативларның һәркайсына 5 млн сумга кадәр дәүләт ярдәме каралган.

(Казан, 9 ноябрь, “Татар-информ”, Гөлнар Гарифуллина). Быел тугыз ай эчендә Татарстанда 36 яңа авыл хуҗалыгы кооперативы булдырылган. Бу хакта Дәүләт Советының Экология, табигатьтән файдалану, агросәнәгать һәм азык-төлек сәясәт комитеты утырышында Татарстанның авыл хуҗалыгы һәм азык-төлек министры урынбасары Ришат Хәбипов әйтте.

“Республикада эш башлаучы кооперативлар өчен яңа программа эшли башлады, һәркайсына 5 млн сумга кадәр дәүләт ярдәме каралган. Республика бюджетыннан 50 млн сум акча бүленгән. Бу көннәрдә яңа кооперативларга грант ярдәменә конкурс узачак”, - диде ул.

  • Республикада продукция җитештерү, эшкәртү буенча барлыгы 193 авыл хуҗалыгы кулланучылар кооперативы булдырылган. Авыл җирендә кече хуҗалык формаларына кредит бирү мәсьәләләрен хәл итү өчен, 14 авыл хуҗалыгы кредит кооперативлары теркәлгән. 2018 елда матди-техник базасын яңартуга 133 кооператив 266,56 млн сумлык грантлар откан. 

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10