ҺАВА ТОРЫШЫ -2 oC

Яңалыклар

барлык хәбәрләр Татарстан Россия

Икътисад

Монополиягә каршы федераль хезмәттә Татарстандагы тарифлар буенча сөйләшәчәкләр

9 ноябрь 2018, 13:57

Көн тәртибенә 2019 елга тариф сәясәтен һәм 2015 елдан 2018 елга кадәр тарифлар үзгәреше динамикасын карау куелачак.

(Казан, 9 ноябрь, «Татар-информ»).16 ноябрьдә Монополиягә каршы федераль хезмәтнең Татарстан буенча идарәсе Укыту-методик үзәгендә җәмәгать тыңлауларында Татарстанда тарифларны көйләү мәсьәләләре турында фикер алышачаклар. Бу хакта ведомство матбугат хезмәтендә хәбәр иттеләр.

Шулай ук тыңлаучылар гамәлдәге законга үзгәрешләр кертүне караячак. Үзгәрешләр нәтиҗәсендә хуҗалык субъектларының, җирле үзидарә органнарының һәм көйләүче органнарның эшчәнлек тәртибе билгеләнәчәк.

Моннан тыш, җылылык белән тәэмин итү объектларына, кайнар су үзәкләштерелгән системасына, салкын су белән тәэмин ителешкә карата концессион килешү төзү мәсьәләләренә игътибар биреләчәк.

Көн тәртибенә 2019 елга тариф сәясәте һәм 2015 елдан 2018 елга кадәр тарифлар үзгәреше динамикасы куелачак.

Тыңлаулар Казан шәһәренең Оренбург трактындагы 24 йортта уза. Теркәлү сәгать тугызда башлана.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10