ҺАВА ТОРЫШЫ +18 oC

Яңалыклар

барлык хәбәрләр Татарстан Россия

Җәмгыять

Кайбычта тантаналы төстә ана капиталына сертификатлар тапшырдылар

25 ноябрь 2018, 06:00 , Фото: kaibicy.ru/news/hәbәrlәr/kaybychta-tantanaly-tst-ana-kapitalyna-sertifikatlar-tapshyrdylar

Кайбычта тантаналы төстә ана капиталына сертификатлар тапшырдылар Әлеге программа гамәлгә кергәннән бирле Кайбычта 926 гаиләгә сертификат тапшырылган.

(Кайбыч, 25 ноябрь, "Татар-информ", "Кайбыч таңнары"). Олы Кайбыч мәдәният йортында Әниләр көненә багышланган концертта район башлыгы Альберт Рәхмәтуллин тагын ике гаиләгә тантаналы төстә Ана (Гаилә) капиталына сертификат тапшырды. Бу турыда җирле басма хәбәр итә.

"Сабыйлар тууыны арттыру, яшәү шартларын яхшырту максатыннан нинди генә ярдәм чараларын уйлап чыгармыйлар. Бу сертификатларны яшь гаиләләргә зур бүләк дип саныйм. Шулай да Кайбычта демография актуаль проблемаларның берсе булып кала бирә. Балалар күбрәк тусын иде", – диде район башлыгы Альберт Рәхмәтуллин.

Район ЗАГС бүлеге начальнигы Чулпан Камалиева да изге теләкләрен җиткерде, сабыйларның сау-сәламәт булып, әти-әни тигезлегендә үсүләрен теләде. Кайбычта яңа тормыш юлына аяк басучы парлар яңа туган сабыйларга дип үзләренең бүләкләрен калдыра икән. Чулпан Камалиева сертификатлы нәниләргә әлеге бүләкләрне – йомшак уенчыкларны тапшырды.

Әлеге программа гамәлгә кергәннән бирле Кайбычта 926 гаиләгә сертификат тапшырылган, шуларның 46сы аны агымдагы елда алган. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10