ҺАВА ТОРЫШЫ -4 oC

Яңалыклар

барлык хәбәрләр Татарстан Россия

Хәвеф-хәтәр

Сүндерелмәгән тәмәке төпчеге аркасында хуҗабикә үз йортында янып үлгән

4 декабрь 2018, 12:12

Янгынның гомуми мәйданы 40 квадрат метр тәшкил иткән.

(Казан, 4 декабрь, «Татар-информ»). Татарстанның Алабуга районында сүндерелмәгән тәмәке төпчеге аркасында хуҗабикә үз йортында янып үлгән. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

«Алабуга районының Колосовка бистәсендә бер катлы агач йортта янгын чыгуы турындагы хәбәр 112 бердәм номерына бүген төнге икеләр тирәсендә килгән», - дип төгәллек керттеләр Россия Гадәттән тыш хәлләр министрлыгының ТР буенча Баш идарәсе матбугат хезмәтендә.

Ялкын телләре зур булмаган шәхси йортны тулысынча ялмап алган. Ут белән көрәшүчеләр янгынны бик тиз сүндергән. Кисәүләрне аралаган вакытта 44 яшьлек хуҗабикәнең мәетенә тап булганнар.

Янгынның гомуми мәйданы 40 квадрат метр тәшкил иткән. Фаҗига сүндерелмәгән тәмәке төпчеге аркасында чыккан дип фаразлана.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10