ҺАВА ТОРЫШЫ -4 oC

Яңалыклар

барлык хәбәрләр Татарстан Россия

Татар дөньясы

Китап нәшрияты сайтында Дания Нурлы укуында "Камыр батыр" аудиокитабын тыңларга була

5 декабрь 2018, 08:29 , Фото: архив/Султан Исхаков, tatkniga.ru

Китап нәшрияты сайтында Дания Нурлы укуында Декабрь ахырында Татарстан китап нәшрияты "Камыр батыр" исемле интерактив китап та чыгарачак.

(Казан, 5 декабрь, “Татар-информ”). Татарстанның халык, Россиянең атказанган артисты Дания Нурлы Татарстан китап нәшрияты сайты өчен "Камыр батыр" әкиятен укыды. Бу хакта ТР китап нәшрияты хезмәткәре Айсылу Галиева хәбәр итте.

Әсәрне әлеге сылтама аша Татарстан китап нәшрияты сайтында түләүсез тыңлап була.

"Дания Нурлының тавышы колакларны иркәли. Без аның укуыннан канәгать калдык", - ди нәшрият хезмәткәре.

Айсылу Галиева әйтүенчә, декабрь ахырында Татарстан китап нәшрияты "Камыр батыр" исемле интерактив китап чыгара. Әлеге интерактив китап белән аудиокитап бер-берсен тулыландырачак. Интерактив китапта балалар рәсем дә ясый, наклейкалар да ябыштыра ала. Әти-әниләр аудиокитапны балаларына тыңлатып, аннан интерактив китап белән эшли ала.

Татарстан китап нәшрияты сайтында Дания Нурлы укында Көнгә күренмәс Сылу-Көмеш" әкиятен түләүсез тыңлап була.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10