ҺАВА ТОРЫШЫ -4 oC

Яңалыклар

барлык хәбәрләр Татарстан Россия

Җәмгыять

Россиядә яңа юл билгеләре барлыкка киләчәк

6 декабрь 2018, 13:26

Юл хәрәкәте кагыйдәләрендәге үзгәрешләр велосипедчылар катнашындагы аварияләр санын киметергә ярдәм итәргә тиеш.

(Казан, 6 декабрь, «Татар-информ»). Россиядә яңа юл билгеләре барлыкка киләчәк. Алар, аерым алганда, велосипедчылар хәрәкәте кагыйдәләрен регламентлаштырачак. Россия Хөкүмәтенең шул хактагы карары рәсми порталда дөнья күргән.

Урамнарда велосипедчыларның өстенлеген тәэмин итү өчен «Велосипед» зонасы төшенчәсе кертелә», - диелә документта. Әлеге урамнарда велосипедчылар механик транспорт чаралары алдында өстенлеккә ия булачак. Мондый зоналарда иң югары тизлек сәгатенә 20 чакрымнан да артмаска тиеш.

Җәяүлеләргә әлеге участоклар аша теләсә кайсы тыелмаган урыннан чыгарга рөхсәт ителә. Мондый зоналарны билгеләү өчен яңа юл билгеләре барлыкка киләчәк.

Велосипедчыларга да торак зоналарында хәрәкәт итәргә рөхсәт итәчәкләр.

Әлеге үзгәрешләр илдә җәяүлеләр һәм җәмәгать киңлекләрен үстерү максатыннан кертелә.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10