ҺАВА ТОРЫШЫ -4 oC

Яңалыклар

барлык хәбәрләр Татарстан Россия

Икътисад

Татарстан халкына иярченле телевидениегә тоташу өчен субсидия биреләчәк

6 декабрь 2018, 21:35 , Фото: gossov.tatarstan.ru

Татарстан халкына иярченле телевидениегә тоташу өчен субсидия биреләчәк
 Иярченле телевидение җиһазын сатып алуга дәүләт ярдәме 4,9 мең сум, монтажлауга 2,4 мең сум булачак.

(Казан, 6 декабрь, “Татар-информ”, Диана Авакян). Цифрлы ТВ-сигнал эфирын алу зонасыннан читтә яшәгән Татарстан халкы иярченле телевидение җиһазлары сатып алу һәм монтажлау өчен тоткан чыгымнар субсидияләнәчәк. Бу хакта Татарстанның мәгълүматлаштыру һәм элемтә министры Роман Шәйхетдинов Казан мәгълүмати технологияләр һәм элемтә техникумында узган киңәшмәдә әйтте.

Иярченле телевидение җиһазын сатып алуга дәүләт ярдәме 4,9 мең сум, монтажлауга 2,4 мең сум булачак. 

“Татарстан Президенты Рөстәм Миңнеханов ярдәмендә, иярченле телевидение җиһазлары сатып алуда һәм монтажлауда 157 торак пункт халкынының чыгымнарын компенсацияләү карары кабул ителде”, - дип аңлатты ул.

Моннан тыш, “Орион Экспресс” (“Телекарта” бренды) белән Татарстан халкы өчен абонент түләүсез, бәясе 4 меңнән кимрәк булган ташламалы тариф бирү турында килешү булды, дип өстәде министр.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10