ҺАВА ТОРЫШЫ +1 oC

Яңалыклар

барлык хәбәрләр Татарстан Россия

Икътисад

Татарстанда картинг хәрәкәтен үстерүгә 28 миллион сумга якын акча сарыф итәчәкләр

10 гыйнвар 2019, 11:55

Программа 2019 елның декабренә кадәр исәпләнгән, аның кысаларында 700гә якын кешене укыту күздә тотыла.

(Казан, 10 гыйнвар, «Татар-информ»). Татарстанда картинг хәрәкәтен үстерүгә 27,9 миллион сум сарыф итәчәкләр, акча ТР бюджетыннан бүленәчәк. Шул хактагы мәгълүмат дәүләт сатып алулары порталында дөнья күргән.

«Тиешле чаралар ТР Министрлар Кабинеты карары белән расланган Татарстан Республикасында 2020 елга кадәр юлларда иминлекне тәэмин итү концепциясен гамәлгә ашыру элементларыннан берсе булып тора», - диелә техник биремдә.

Заказчы - «Юл хәрәкәте иминлеге» Дәүләт бюджет учреждениесе. Программа 2019 елның декабренә кадәр исәпләнгән, аның кысаларында 700гә якын кешене укыту күздә тотыла.

Башкаручы картодром, шулай ук светофорлар, вентиляция һәм янгын куркынычсызлыгы системасы белән җиһазландырылган 3800-4000 квадрат метрлы трасса тәкъдим итәргә тиеш.

Ул шулай ук картинг ярышларында катнашу өчен яшь картингчылар әзерләү буенча чаралар үткәрергә, 7-17 яшьлек балалар өчен картинг буенча секцияләр оештырырга бурычлы. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10