ҺАВА ТОРЫШЫ -11 oC

Яңалыклар

барлык хәбәрләр Татарстан Россия

Җәмгыять

Татарстан трассаларында автоматик үлчәү контроле пунктлары барлыкка киләчәк

10 гыйнвар 2019, 13:21

2020 елга кадәр республика юлларында 12дән дә ким булмаган үлчәү контроле пункты урнаштырылачак.

(Казан, 10 гыйнвар, "Татар-информ"). Татарстан Республикасының кайбер трассаларында автоматик үлчәү контроле пунктлары барлыкка киләчәк. Бу хакта 2018-2020 елларга төбәк һәм муниципальара әһәмияттәге гомуми файдаланудагы автомобиль юлларында үлчәүле контроль үсеше стратегиясендә әйтелә, ул республика Министрлар Кабинеты тарафыннан расланган.

Документ нигезендә, 2020 елга кадәр республика юлларында 12дән дә ким булмаган автоматик үлчәү контроле пункты урнаштырылырга тиеш. Бу вакытка Татарстанда республика юллары буйлап хәрәкәт итүгә махсус рөхсәт бирү порталы эшләячәк.

Стратегияне тормышка ашыру өчен 571,5 млн сум бүлеп биреләчәк. Акча автоматик үлчәү контроле пунктларын проектлау, төзелеш-монтаж эшләре һәм порталны эшләү өчен тотылачак.

Стратегиянең максаты - юлларның сакланышын тәэмин итү һәм юл хәрәкәте иминлеген арттыру, дип билгеләп үтелә документта. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10