ҺАВА ТОРЫШЫ +1 oC

Яңалыклар

барлык хәбәрләр Татарстан Россия

Җәмгыять

2019 елда пилотсыз "КАМАЗ"лар Чаллы юлларына чыгачак

10 гыйнвар 2019, 14:19

Хәрәкәт вакытында автомобиль кабиналарында профессиональ машина йөртүче-сынаучылар утырачак.

(Казан, 10 гыйнвар, "Татар-информ"). 2019 елда "КАМАЗ" ГАҖнең пилотсыз транспорт чаралары беренче тапкыр Чаллы шәһәренең гомуми файдаланудагы юлларында тәҗрибә эксплуатациясе узачак. Пилотсыз транспорт шулай ук ябык территорияләргә чыгачак. Бу хакта "Ростех" дәүләт корпорациясе матбугат хезмәтенә сылтама белән ТАСС хәбәр итә.

Хәрәкәт вакытында автомобиль кабиналарында ашыгыч һәм штаттан тыш хәл килеп чыккан очракта идарәне үз кулына ала торган профессиональ шофер-сынаучылар утырачак. 

Чаллы автогигантының пилотсыз транспорты гомуми файдалану юлларына чыгачагы турында "Татар-информ" узган елның ноябрь ахырында хәбәр иткән иде.

Россиядә 1 декабрьдә Мәскәүдә һәм Татарстанда гомуми файдаланудагы юлларда пилотсыз автомобильләрне эксплуатацияләү буенча эксперимент старт алды. Пилотсызлар машиналар "Автоном йөртү" дигәнне аңлата торган махсус "А" билгесе алачак. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10