ҺАВА ТОРЫШЫ -11 oC

Яңалыклар

барлык хәбәрләр Татарстан Россия

Икътисад

Казанда һәм Чаллыда автобус йөртүчеләрне табыш буенча планнан азат итәргә тәкъдим иттеләр

10 гыйнвар 2019, 17:58

Министрлар Кабинеты шәһәр башкарма комитетлары җитәкчеләренә 1 мартка кадәр Самараның пассажирлар йөртүне оештыру тәҗрибәсен өйрәнергә тәкъдим итте.

(Казан, 10 гыйнвар, «Татар-информ»). Татарстан Хөкүмәте Казан һәм Чаллыда автобус йөртүчеләрне табыш буенча планнардан азат итәргә тәкъдим итте. Бу хакта Татарстан Премьер-министры Алексей Песошин имзалаган карарда әйтелә.

«Казан шәһәре муниципаль берәмлеге башкарма комитеты, Чаллы шәһәре муниципаль берәмлеге башкарма Комитеты җитәкчеләренә 2019 елның 1 августына кадәр муниципаль пассажир транспортында аварияләрне булдырмау профилактикасы буенча өстәмә чаралар күрүне, шул исәптән машина йөртүчеләрнең керемнәрен план күрсәткечләрен үтәүгә карап кулланмауны тәкъдим итәргә», — диелә документта.

Моннан тыш, агымдагы елның 1 мартына кадәр шәһәр хакимиятләренә Самараның пассажирлар йөртүне оештыру тәҗрибәсен өйрәнергә тәкъдим иттеләр.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10