ҺАВА ТОРЫШЫ -11 oC

Яңалыклар

барлык хәбәрләр Татарстан Россия

Җәмгыять

Казан бәйрәмнәрдә пассажирларның популяр юнәлешләр исемлегенә кергән

10 гыйнвар 2019, 20:30

Яңа ел каникуллары вакытында ерак араларга йөрүче поездлар 4,2 млн пассажирга хезмәт күрсәткән.

(Казан, 10 гыйнвар, «Татар-информ»). Мәскәү һәм Санкт-Петербургтан Казанга тимер юл рейслары яңа ел һәм раштуа бәйрәмнәре чорында пассажирларның популяр юнәлешләр исемлегенә кергән. Бу хакта Россия тимер юллары матбугат хезмәте хәбәр итә.

«Яңа ел һәм раштуа бәйрәмнәрендә Мәскәүдән Санкт-Петербургка, Казан, Петрозаводск, Мурманск, Ижевск, Адлер, Самара, Пенза, Уфага рейслар пассажирлар арасында аеруча популяр юнәлешләрдән булган. Төньяк башкаладан пассажирларның популяр юнәлешләре арасында Мәскәү, Казан, Воронеж, Брянск, Саратов, Волгоград, Архангельск, Курск, Псков булды», – диелә матбугат хезмәте хәбәрендә.

29 декабрьдән 8 гыйнварга кадәр ерак араларга йөргән поездларда Россия буенча 4,2 млн пассажирга хезмәт күрсәтелгән. Бу узган елның шул ук чоры күрсәткеченнән 2,4 процентка артык.

Яңа ел бәйрәмнәренә барлыгы 6 мең 381 пассажир поезды билгеләнгән, шул исәптән 1 мең 343 рейс өстәмә рәвештә кертелгән.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10