ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Җәмгыять

Ирек Фәйзуллин: 2019 елда Татарстанда 309 ятим баланы торак белән тәэмин итү планлаштырыла

12 гыйнвар 2019, 12:05 , Фото: архив/Александр Эшкинин

Ирек Фәйзуллин: 2019 елда Татарстанда 309 ятим баланы торак белән тәэмин итү планлаштырыла Ирек Фәйзуллин искәрткәнчә, 2018 елда Татарстанда 2 млн 409,9 мең кв.метр торак файдалануга тапшырылган.

(Казан, 12 гыйнвар, "Татар-информ"). Бүген республика киңәшмәсендә ТР Төзелеш, архитектура һәм ТКХ министры Ирек Фәйзуллин хәбәр иткәнчә, быел Татарстанда 309 ятим баланы торак белән тәэмин итү планлаштырыла, бу хакта ТР Президентының рәсми порталында хәбәр ителә.

"2019 елда республикада 309 ятим баланы 373 млн. 231,9 мең сумлык торак белән тәэмин итү планлаштырыла", — дип хәбәр итә матбугат хезмәте.

Тулаем алганда, яңа ел өчен бүлеп бирелгән бюджет акчаларына 132 гаилә, шул исәптән 5 яки аннан да күбрәк балалы 35 гаилә, "Торак" федераль максатчан программасы буенча 52 яшь гаиләне, "Россия Федерациясе гражданнарын үтемле һәм уңайлы торак һәм коммуналь хезмәтләр белән тәэмин итү" дәүләт программасы буенча 45 гражданны торак белән тәэмин итү планлаштырыла.

Социаль ипотека программасы буенча агымдагы елга 7803 фатирлы 165 йорт күләмендә инвестиция программасы формалаштырылган.

Ирек Фәйзуллин искәрткәнчә, 2018 елда Татарстанда 2 млн 409,9 мең кв.метр торак файдалануга тапшырылган. Бу еллык планнан 0,3 процентка артыграк. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10