ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Җәмгыять

Британия табибы ракның төп җиде билгесе турында сөйләде

12 гыйнвар 2019, 15:18

“Сез шикләнгән аврыу билгеләрен тикшереп, табибларның вакытын юкка сарыф итмисез”, - ди эксперт.

(Казан, 12 гыйнвар, "Татар-информ"). Лондонның Макмиллан онкология үзәге табибы Крис Стил ракның нинди төп җиде билгесе булган очракта ашыгыч рәвештә онкологка мөрәҗәгать итәргә кирәклеге турында сөйләде. Бу турыда "РИА Новости" яза.

Эчәк яки сидек куыгы эшләвендә кискен үзгәрешләр, сәбәпсез кан китү, күкрәктә яки башка урында калынайган урын барлыкка килү, йотканда авырту хасил булу, миңнең төсе үзгәрү яки аның зураюы, гыжылдап авыр ютәлләү һәм озак төзәлми торган яра борчуга сала торган билгеләр булырга мөмкин.

Крис Стил бу билгеләр онкология белән бәйле булмаска мөмкинлеген әйтә, әмма тикшеренергә киңәш итә.

“Сез шикләнгән аврыу билгеләрен тикшереп, табибларның вакытын юкка сарыф итмисез”, - ди эксперт.

Британия табибы ун очракның дүртесендә үз вакытында диагноз куелган очракта ракның үсешен туктатырга мөмкин дип искәртә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10