ҺАВА ТОРЫШЫ +5 oC

Яңалыклар

барлык хәбәрләр Татарстан Россия

Дин

Кырымда хиҗаб көне флешмобында иң кызыклы хикәя осталарын бүләкләгәннәр

3 февраль 2019, 17:10

«Хиҗаб тарихы» флешмобы Кырымда өченче тапкыр уздырыла.

(Казан, 3 февраль, «Татар-информ»). Кырымда Бөтендөнья хиҗаб көненә багышланган флешмобта хиҗаб белән бәйле иң кызыклы хикәя осталарын бүләкләгәннәр. Бөтендөнья хиҗаб көнен Кырым һәм Севастополь мөселманнары Диния нәзарәте ярдәме белән Кырым мөслимәләренең «Бәллүр» иҗтимагый берләшмәсе оештыра. Бу хакта Россия мөселманнары матбугат хезмәте хәбәр итә.

«Хиҗаб тарихы» флешмобы Кырымда өченче тапкыр уздырыла. Бу вакыт эчендә оештыручылар хиҗаб кияргә карар иткән мөселман хатын-кызларыннан дистәләгән тарих ишеткән.

«Без барлык тарих, бәяннарны да җыябыз, киләчәктә ул тулы бер китап булыр дип өметләнәбез. Хиҗаб кияргә карар иткән һәр мөселман өчен зур вакыйга. Безнең җәмгыятьтә төрле фикерләр бар, төрле караш, әмма флешмобның максаты – толерантлык һәм толерантлыкка өндәү», — дип билгеләп үтте оештыручылар.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10