ҺАВА ТОРЫШЫ -1 oC

Яңалыклар

барлык хәбәрләр Татарстан Россия

Мәдәният

Чаллыда Нурбәк Батулла катнашында «Хуш, Агыйдел!» драмасын тәкъдим итәчәкләр

10 февраль 2019, 13:54 , Фото: Рамиль Гали/архив

Чаллыда Нурбәк Батулла катнашында «Хуш, Агыйдел!» драмасын тәкъдим итәчәкләр
   Чаллы татар драма театрында труппа режиссеры Фаил Ибраһимов җитәкчелегендә репетицияләр бара.

(Казан, 10 февраль, «Татар-информ»). Чаллы татар дәүләт драма театрында «Хуш, Агыйдел!» драмасының премьерасы була, анда «Алтын битлек» лауреаты Нурбәк Батулла катнаша. Бу хакта «Челнинские известия» яза.

Танылган Казан биючесе спектакльнең хореография өлешен куйды. Премьера апрель аена планлаштырылган. Бүгенге көндә Чаллы татар драма театрында режиссер Фаил Ибраһимов җитәкчелегендә репетицияләр бара. Яңа тамашада кеше күп катнаша, шуңа күрә спектакльгә театрның бөтен труппасы җәлеп ителәчәк.

«Хуш, Агыйдел!» авторы - танылган язучы, публицист Ягъсуф Шәфыйков. Әдәби өлкәдә әсәр озак яшәүгә карамастан, пьеса буларак театр тормышында беренче тапкыр гына куела.

Сюжет нигезендә Чаллыда Кама елгасы аша плотина төзегән вакытта Түбән Кама ГЭСы инженер корылмаларын торгызганда авылларны бетереп, халыкны күчерү язмышы тора. Бу язмыш Татарстан, Башкортстан һәм Удмуртиядә яшәүчеләргә дә кагылды.

«Спектакльне халык драмасы дип атарга мөмкин дип уйлыйм», – диде режиссер Фаил Ибраһимов, үзенең фәлсәфәсе һәм кичерешләре буенча ул танылган «Зәңгәр шәл», «Акчарлак» пьесаларына охшашлыгын билгеләп үтеп.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10