ҺАВА ТОРЫШЫ -6 oC

Яңалыклар

барлык хәбәрләр Татарстан Россия

Җәмгыять

Су басу зонасына кергән торак пунктлар янында вертолет мәйданчыклары оештырылачак

12 февраль 2019, 14:21

ТР Министрлар Кабинеты 2019 елгы язгы ташу чорына чаралар планын раслады.

(Казан, 12 февраль, «Татар-информ»). Татарстанда язгы ташу чорында су басу зонасына кергән торак пунктлар янында вертолет мәйданчыклары оештырачаклар. Бу хакта Татарстан Республикасы хокукый мәгълүмат порталында хәбәр ителә.

«2019 елгы язгы ташу чорында гадәттән тыш хәлләрне кисәтү, халыкны, хуҗалык һәм торак объектларын, гидротехник корылмалар, юллар һәм күперләрне саклау максатыннан ТР Министрлар Кабинеты республика халкын ташу вакытында саклау буенча чаралар планын раслады», - диелә сайтта.

1 мартка кадәр су басу зонасына керүче торак пунктлар янында халыкка ярдәм итү өчен вертолет мәйданчыклары оештырылачак. Март уртасына кадәр халыкка хәбәр җиткерү системасының төзеклеген, гидротехник корылмаларны тикшерергә, су басу зонасына керүче торак пунктлар белән радиоэлемтә оештырырга һәм көйләргә кирәк.

Язгы ташу башланганчы һәм ташу чорында күперләр тикшереләчәк һәм ныгытылачак, шулай ук аларны торгызу өчен материаллар әзерләнәчәк. Бу чорда кечкенә елгаларда боз тыгылган очракта шартлату эшләрен оештыруны тәэмин итү, инженер системасы объектларына күзәтчелекне көчәйтү, сусаклагычларның эш режимын контрольдә тоту, су торбаларын һәм яңгыр канализацияләрен чүп-чардан арындыру таләп ителә.

Чараларның тулы исемлеге ТР хокукый мәгълүмат порталында урнаштырылган.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10