-6 oC (Казан, 12 февраль, «Татар-информ»). Татарстан Мәдәният министрлыгында Татарстан республикасы китапханә фондларын комплектлау өчен «Казахстанның зур атласы» басмасының 100 нөсхәсен сатып алачагы турында сөйләделәр. Бу хакта Татарстан ведомствоның матбугат хезмәте хәбәр итә.
«Әлеге басмаларны сатып алу максаты — Татарстан Республикасы һәм муниципаль китапханә фондларын комплектлау», - диелә матбугат хезмәте хәбәрендә.
Татарстан Президенты адресына Татарстан Дәүләт Советы Комитеты рәисе һәм Республика Милли китапханәсенең Попечительләр советы рәисе Разил Вәлиев Казахстан атласын сатып алу инициативасы белән мөрәҗәгать итте.
«Әлеге басма укучылар, студентлар, укытучылар, фән эшлеклеләре өчен дә, киң даирә укучылар өчен дә файдалы булыр дип ышанам», — диде Вәлиев.
«Казахстанның зур атласы» борынгы заманнардан алып безнең көннәргә кадәр республиканың география, тарих һәм мәдәният буенча белешмә-энциклопедик фәнни басмасы булып тора. Китап киңәйтелгән тикшеренүләрне үз эченә алган һәм анда якынча 2 мең иллюстрация бар.
