ҺАВА ТОРЫШЫ +9 oC

Яңалыклар

барлык хәбәрләр Татарстан Россия

Икътисад

Владимир Путинны цифрлаштыру буенча яшьләр лабораторияләре булдыру кызыксындырды

12 февраль 2019, 19:54 , Фото: kremlin.ru

Владимир Путинны цифрлаштыру буенча яшьләр лабораторияләре булдыру кызыксындырды
Президент билгеләп үткәнчә, IT-технологияләр ярдәмендә «Торак һәм шәһәр мохите» илкүләм проектының теләсә кайсы мәсьәләсен хәл итәргә мөмкин.

(Казан, 12 февраль, «Татар-информ», Александра Давыдова). «Шәһәр реновацияләре» проекты җитәкчесе Олег Зоря Владимир Путиннан уңайлы шәһәр мохите формалаштыру, цифрлаштыру һәм шәһәр үсеше белән бәйле башка мәсьәләләр өлкәсендә иреклеләр хәрәкәтен үстерү мөмкинлеген карауны сорады. Мондый тәкъдимне ул бүген Россия Президентының «Мәскәү» мәдәният һәм спорт үзәгендә җәмәгатьчелек вәкилләре белән очрашуы барышында тәкъдим итте.

Президент билгеләп үткәнчә, теләүчеләр бик күп һәм «якыннарына ярдәм итү теләге белән янган кешеләрне җәлеп итәргә кирәк»,  диде.

Моннан тыш, Олег Зоря бөтен ил буенча яшьләр лабораторияләре төзергә һәм цифрлаштыру буенча конкурслар оештырырга тәкъдим итте.

«Әлбәттә, «Торак һәм шәһәр мохите» илкүләм проектында IT-технологияләр ярдәмендә нәтиҗәле хәл итәргә мөмкин булган һәм кирәк булган мәсьәләләр күп — алар су белән тәэмин итү, су бүлү, җылылык һәм энергия белән тәэмин итү, шәһәр транспорты эшен оештыру. Бөтен җирдә дә куллану мөмкин», — диде Владимир Путин.

Ул шулай ук бу эшнең күпмедер дәрәҗәдә муниципалитетлардан һәм төбәкләрдән бәйле булуын билгеләп үтте. «Без федераль дәрәҗәдә моны алга җибәрәчәкбез», - дип өстәде Президент.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10