ҺАВА ТОРЫШЫ +5 oC

Яңалыклар

барлык хәбәрләр Татарстан Россия

Сәясәт

Владимир Путин Иннополис шәһәрен үстерү темпларын бәяләде

12 февраль 2019, 20:48 , Фото: tatarstan.ru

Владимир Путин Иннополис шәһәрен үстерү темпларын бәяләде
Россия Президенты Россиянең иң яшь шәһәренә торак шартларын яхшыртуга багышланган Россия Дәүләт Советы Президиумы утырышына килде.

(Казан, 12 февраль, «Татар-информ», Алексей Угаров). Россия Президенты Владимир Путин беренче тапкыр Иннополиста булды һәм аның үсеш темплары белән танышты. Шәһәр тирәлеген формалаштыру, Иннополис Университеты һәм махсус икътисади зона турында Россия лидерына Татарстан мәгълүматлаштыру һәм элемтә министры Роман Шәйхетдинов сөйләде.

«Бүген бу шәһәрдә илнең 50 төбәгеннән һәм дөньяның 30 иленнән килгән яшьләр яши һәм хезмәт куя, монда 4,2 мең кеше яши, һәм бу шәһәрдә 113 бала туды», — диде Шәйхетдинов.

Ул билгеләп үткәнчә, шәһәр территориясендә 170 компания теркәлгән, шуларның 86сы - «Иннополис» махсус икътисади зонасы резидентлары һәм партнерлары. Алар арасында Саклык банкы, Яндекс, Kaspersky, Acronis, Тинькофф, Infowatch, Cognitive Technologies һәм башкалар бар.

Расширенное заседание Президиума Государственного Совета Российской Федерации. Проводит Президент Российской Федерации Владимир Путин.

Шәһәр инфраструктурасына 19 күп фатирлы торак йорт, балалар бакчасы, мәктәп, ИТ-лицей, медицина һәм спорт үзәкләре керә. Биредә почта бүлеге, 2 банк, 2 супермаркет, берничә кафе һәм бар, автомойка, даруханәләр, пиццерия, «Китап йорты» кибете ачылды. Шәһәрдә спорт җиһазлары прокаты һәм хобби-үзәк эшли.

Иннополис шәһәрендә мәгълүмати технологияләр һәм робототехника өлкәсендә белгечләр әзерләүче шул исемдәге югары уку йорты урнашкан.

Университетта 600дән артык студент белем ала, укыту инглиз телендә алып барыла. Университетта 22 илдән галимнәр укыта, 14 лаборатория һәм 7 фәнни үзәк бар.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10