ҺАВА ТОРЫШЫ +19 oC

Яңалыклар

барлык хәбәрләр Татарстан Россия

Сәясәт

Газ җиһазларын тикшерүчене фатирга кертмәгән өчен административ җаваплылык булырга мөмкин

23 февраль 2019, 13:19

Төзелеш министрлыгы газ куркынычсызлыгы чараларын көчәйтүгә юнәлдерелгән законга үзгәрешләр әзерләде.

(Казан, 23 февраль, «Татар-информ»). Россия Төзелеш министрлыгы газ куркынычсызлыгы чараларын көчәйтүгә юнәлдерелгән законга үзгәрешләр әзерләде. Газ хезмәткәрләрен фатирга кертмәгән өчен административ җаваплылык кертергә ниятлиләр. Тәкъдимнәр кертелгән документ хокукый актлар проектлары федераль порталында чыкты.

«Әгәр йорт милекчесе, күпфатирлы йорттагы фатир хуҗасы кисәтүгә җавап бирмәсә, ике яки аннан да күбрәк тапкыр торак һәм торак булмаган бинага кертмәсә, газ җиһазын тикшерүче хезмәткәр фатирга кертмәү турында акт төзи», — диелгән паспорт документында.

Актның бер нөсхәсе милекчегә бирелә, ә күчермәсе дәүләт торак күзәтчелеге органына тапшырыла. Шуннан соң административ хокук бозу турында эш кузгатылачак.

Дәүләт Думасында торак йортларны газ белән тәэмин итү куркынычсызлыгы мәсьәләләре буенча эшче төркем оештырыла. Шул хактагы хат Дәүләт Думасы рәисе исеменә юлланган.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10