ҺАВА ТОРЫШЫ +8 oC

Яңалыклар

барлык хәбәрләр Татарстан Россия

Хәвеф-хәтәр

Песошин: Быел Татарстанда язгы ташу киеренке сценарий буенча баруы мөмкин

19 март 2019, 18:34 , Фото: архив/Салават Камалетдинов

Песошин: Быел Татарстанда язгы ташу киеренке сценарий буенча баруы мөмкин
 Премьер-министр язгы ташу чорында су басу ихтималы булган районнарны атады.

(Казан, 19 март, «Татар-информ», Елена Кривопатре). Быел Татарстанда язгы ташу киеренке сценарий буенча барырга мөмкин. Бу хакта бүген Татарстан Гадәттән тыш хәлләрне кисәтү һәм бетерү комиссиясе утырышында Татарстан Премьер-министры Алексей Песошин сөйләде.

«Республика язгы ташу җитди икътисади һәм социаль нәтиҗәләргә китерергә мөмкин булган төбәк булып тора. Соңгы елларда елгаларда су түбән дәрәҗәдә иде, елга ерганаклары зур булмады. Ләкин шуны искә төшерәсем килә, һәрвакытта да ул шулай булмады», – дип сөйләде Песошин.

Ул, фаразлар буенча, быел суның Аксубай, Алексеевск, Әлки, Кайбыч, Яшел Үзән, Яңа Чишмә, Нурлат һәм Чистай районнары елгаларында куркыныч дәрәҗәдә көтелүен искәртте.

Арча, Буа, Биектау, Кукмара, Лаеш, Мамадыш, Питрәч, Теләче һәм Саба районнары елгаларында да су шактый күтәрелә һәм анда да язгы ташу куркыныч тудырырга мөмкин.

«Шунлыктан, язгы ташу киеренке сценарий буенча барырга мөмкин. Без бу районнарга югары әзерлек режимына күчәргә тәкъдим итәбез. Быел елгаларны ачу нормадан иртәрәк – март азагыннан көтелә», - дип белдерде Алексей Песошин.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10