ҺАВА ТОРЫШЫ +2 oC

Яңалыклар

барлык хәбәрләр Татарстан Россия

Спорт

“Зенит”лылар, "алтын сетта" җиңеп, Чемпионнар лигасының ярымфинал этабына узды

20 март 2019, 07:18 , Фото: архив/Ильнар Тухбатов

“Зенит”лылар, Чемпионнар лигасының “Зенит” – “Трефль” каршылыгында унбер сетның алтысында Казан волейболчылары җиңде

(Казан, 20 март, “Татар-информ”, Гөлия Хәсбиуллина). 19 март кичендә Казанның “Зенит” волейбол командасы Чемпионнар лигасының чирекфинал этабының икенче уенын үткәрде. Казан волейболчылары Гданьск шәһәренең “Трефль” командасын җиңде. Уен Казанда Волейбол үзәгендә узды.

Беренче сетта “Зенит” 2 очкога калышып җиңелде: 0-1 (23:25).

Икенче сетта да “Трефль” волейболчылары шул ук исәп белән оттылар: 0-2 (23:25).

Өченче сетта “Зенит” командасы өстенлекне алды: 1-2 (25:23).

Дүртенче сетта Казан волейболчылары гомуми исәпне тигезләштерә алдылар: 2-2 (29:27).

Бишенче сетта (тай-брейкта) “Зенит” волейболчылары оттырдылар: 2-3 (15:17).

Командаларның чирекфиналдагы ике уенның гомуми исәбе тигез булу сәбәпле (6-6), хәлиткеч “алтын сет” башланды. “Алтын сет” һәм әлеге уен “Зенит” файдасына төгәлләнде: 3-3 (15:12)

"Зенит" волейбол командасының старт составы: Мэтью Андерсон, Максим Михайлов, Артём Вольвич, Алексей Самойленко, Александр Бутько, Эрвин Нгапет, Алексей Вербов, Валентин Кротков.

Шулай итеп, Казанның “Зенит”ы, ике уенда гомуми исәп буенча “Трефль” командасын җиңеп (Беренче уен исәбе: 2-3, икенче уен исәбе: 3-3), Чемпионнар лигасының ярымфинал этабына узды. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10