ҺАВА ТОРЫШЫ +15 oC

Яңалыклар

барлык хәбәрләр Татарстан Россия

Сәясәт

Хезмәт министрлыгы ана капиталы программасын 2024 елга кадәр озайтырга тәкъдим итте

20 март 2019, 14:33

Программаны озайту буенча тәкъдимнәр әзерләү ведомствоның стратегик планлаштыру чаралары план-графигына кертелгән.

(Казан, 20 март, «Татар-информ»). Россия Хезмәт һәм социаль яклау министрлыгы ана капиталы программасын 2021 елдан соң 2024 елга кадәр озайтырга тәкъдим итә. Бу хакта «Известия» хәбәр итә.

Программаны озайту буенча тәкъдимнәр әзерләү Россия ведомствосының стратегик планлаштыру чаралары план-графигына кертелгән, дип билгеләп үтелә. Тәкъдимнәрне 2019 елның өченче кварталына әзерләү планлаштырыла.

Шул ук вакытта министрлыкта дәүләт ярдәме 2024 елдан соң озайтыламы дигән сорауга җавап бирә алмадылар.

Россия вице-премьеры аппаратында шулай ук «мөмкин булу ихтималы зур булган» программаның озайтылачагын расладылар. Татьяна Голикова әлеге позицияне узган елның сентябрендә үк җиткерде.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10