ҺАВА ТОРЫШЫ +15 oC

Яңалыклар

барлык хәбәрләр Татарстан Россия

Җәмгыять

Татарстанда наркомания диагнозы белән ун меңгә якын авыру учетта тора

20 март 2019, 16:13

“Профилактика төркемендә тагын 8419 кеше бар”, - диде Резеда Хәева.

(Казан, 20 март, “Татар-информ”, Чулпан Шакирова). Республика диспансер учетында 9207 кеше наркомания диагнозы белән исәптә тора. Бу хакта бүген “Татар-информ”да узган матбугат очрашуында билгеле булды.

“Быел диспансер учетта өлкәннәр арасында наркомания диагнозы белән  9207 кеше тора. Узган ел бу сан 9515 иде. Профилактика төркемендә тагын 8419 кеше бар. Аларга медицина тарафыннан наркотик кулланалар дигән диагноз куелмаган”, - диде ТР Сәламәтлек саклау министрлыгының баш наркологы Резеда Хәева.

Табиб сүзләренчә, 2018 елда наркомания буенча учетта торучылар саны 11 процентка кимегән.

“Бу - республика буенча гомуми статистика. Алкоголизм белән авыручылар турында сөйләсәк, ул да 12 процентка кимеде. Шулай ук яшүсмерләр арасында да профилактика эшләре ситуацияне уңай якка үзгәртә”, - диде баш нарколог.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10