ҺАВА ТОРЫШЫ +15 oC

Яңалыклар

барлык хәбәрләр Татарстан Россия

Җәмгыять

Татарстанда юеш кар һәм яңгыр көтелә

20 март 2019, 16:34 , Фото: Рамиль Гали/архив

Татарстанда юеш кар һәм яңгыр көтелә Республикада температура нормадан 5-6 градус югары булачак.

(Казан, 20 март, «Татар-информ»). Атна ахырына кадәр Татарстанда һава торышын Россиянең Европа өлешендә хөкем сөргән циклон билгеләячәк. Вакыты белән юеш кар һәм яңгыр явачак. Бу турыда Татарстан Гидрометеорология һәм әйләнә-тирә мохитне күзәтү үзәге кисәтә.

Республика территориясендә циклонның фронталь бүленеше аркасында атна ахырына кадәр тотрыксыз һава шартлары булачак. Татарстан синоптиклары урыны белән томан, юлларда бозлавык хасил булырга мөмкин дип кисәтә.

21-24 мартта һава температурасы нормадан 5-6 градус югары булачак. Төнлә температура 0...-6 градус салкын булса, көндез 0...+6 градус көтелә.

21 мартта төнлә һава температурасы -5 градус салкын тәшкил итәчәк. Көндез – 1 градустан 6 градуска кадәр җылы.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10