ҺАВА ТОРЫШЫ +8 oC

Яңалыклар

барлык хәбәрләр Татарстан Россия

Җәмгыять

Автобуста балаларны сәфәргә алып бару буенча заказны ЮХИДИ сайтында рәсмиләштерергә мөмкин

22 март 2019, 20:34

Балаларны йөртүчеләргә катгый таләпләр куела.

(Казан, 22 март, «Татар-информ», Елена Кривопатре). Хәзер автобуста балаларны сәфәргә алып бару буенча заказны ЮХИДИ сайтында рәсмиләштерергә мөмкин.

«Заказ буенча балаларны йөртүче оешмаларның гибдд.рф сайты аша рейс турында ЮХИДИгә гариза бирергә мөмкин. Моның өчен “балалар төркемен йөртүне оештыру” бүлегенә кереп форма тутырырга, автобус йөртүче турында мәгълүмат һәм маршрут юнәлешен күрсәтергә кирәк", – дип сөйләде шәһәрнең Дәүләт автоинспекциясе техник күзәтчелек бүлеге начальнигы Алексей Евтодьев.

ЮХИДИ көн саен балаларны автобуста йөртүче оешма гаризаларын карый, диде бүлек начальнигы.

Балаларны төнлә йөртү тыела. Тәүлекнең караңгы вакытында аэропортка яки вокзалга кадәр генә илтеп кую рөхсәт ителә. Моннан тыш, тизлек режимы сәгатенә 60 километрдан артмаска тиеш диде бүлек начальнигы.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10