ҺАВА ТОРЫШЫ +8 oC

Яңалыклар

барлык хәбәрләр Татарстан Россия

Җәмгыять

Татарстанда планда каралганнан 27 процент торак файдалануга тапшырылган

23 март 2019, 11:53 , Фото: архив/Рамиль Гали

Татарстанда планда каралганнан 27 процент торак файдалануга тапшырылган
 Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды.

(Казан, 23 март, «Татар-информ»). 22 мартка Татарстанда планда каралганнан 26,5 процент торак файдалануга тапшырылган. Бу хакта Татарстан Хөкүмәте Йортында узган республика киңәшмәсендә Татарстан Төзелеш, архитектура һәм торак-коммуналь хуҗалыгы министры Ирек Фәйзуллин сөйләде.

«Татарстан Төзелеш министрлыгы башлыгы хәбәр иткәнчә, 22 мартка республикада 642 мең квадрат метр торак файдалануга тапшырылган, бу планның 26,5 процентын тәшкил итә», — дип хәбәр итә Татарстан Президенты матбугат хезмәте.

Министр сүзләренә караганда, быел 165 йортны (7 мең 838 фатир) тапшыру планлаштырыла. 22 мартка 29 йорт (1 мең 628 фатир) буенча хисап тоттылар, 57 объект әзерлекнең югары дәрәҗәсендә, 27 объект әзерлекнең уртача дәрәҗәсендә, 52 объект түбән дәрәҗәсендә тора.

Бу ел башыннан хезмәтне саклау өлкәсендә Татарстан дәүләт төзелеш күзәтчелеге инспекциясе һәм Дәүләт хезмәт инспекциясе тарафыннан 296 тикшерү уздырылган. Тикшерү барышында хезмәтне саклау кагыйдәләрен һәм нормаларын бозган өчен 2 млн 70 мең сумлык 53 карар чыгарылды, дип хәбәр итте Фәйзуллин.

Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Чарада шулай ук Татарстан Республикасы Премьер-министры Алексей Песошин катнашты.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10