ҺАВА ТОРЫШЫ +8 oC

Яңалыклар

барлык хәбәрләр Татарстан Россия

Хәвеф-хәтәр

Петербургта ике маршрутка бәрелешеп, унбер кеше имгәнгән

24 март 2019, 13:02

"ПАЗ" маркалы автобуслар Пязелево авылында бәрелешкән.

(Казан, 24 март, "Татар-информ"). Санкт-Петербург шәһәрендә бүген ике маршрут таксие бәрелешкән. Авариядә унбер кеше имгәнгән. Бу турыда ТАСС агентлыгы хәбәр итте.

Авария Пушкин районының Пязелево авылында булган. "Урынга ашыгыч ярдәм табиблары барды. 11 кеше имгәнде. Авыр хәлдәге кешеләр юк", - дип аңлатканнар шәһәрнең ашыгыч ярдәм станциясендә.

Җиде кеше уртача авырлыкта имгәнгән, аларны хастаханәгә озатканнар.

Төбәк буенча ЮХИДИ ачыклаганча, "ПАЗ" маркалы такси автобусы каршы як полосага чыккан. Ул каршыга килүче шундый ук автобуска бәрелгән.

Россия Гадәттән тыш хәлләр министрлыгының Санкт-Петербург буенча Баш идарәсе мәгълүматы буенча, урынга янгын сүндерүчеләр дә барган.  


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10