ҺАВА ТОРЫШЫ +8 oC

Яңалыклар

барлык хәбәрләр Татарстан Россия

Фән һәм мәгариф

Миңнеханов Татарстанда полилингваль белем бирү комплекслары төзү турында киңәшмә үткәрде

1 апрель 2019, 14:21 , Фото: tatarstan.ru

Миңнеханов Татарстанда полилингваль белем бирү комплекслары төзү турында киңәшмә үткәрде Полилингваль комплексларда укыту рус, татар һәм инглиз телләрендә алып барылачак.

(Казан, 1 апрель, «Татар-информ»). Татарстан Президенты Рөстәм Миңнеханов республикада полилингваль белем бирү комплекслары төзү турында киңәшмә үткәрде. Полилингваль комплексларда укыту рус, татар һәм инглиз телләрендә алып барылачак. Бу хакта Татарстан Президентының матбугат хезмәте хәбәр итә.

Совещание по вопросу создания в Республике Татарстан системы полилингвального образования

«Киңәшмәдә катнашучылар тиз үсеш кичерә торган җәмгыять шартларына җавап бирүче заманча полилингваль белем бирү комплексы мәсьәләсе буенча фикер алышты. Полилингваль белем бирү оешмалары челтәрен формалаштыру, финанслау һәм кадрлар белән тәэмин итү мәсьәләләре каралды», - диелә матбугат хезмәте хәбәрендә.

Полилингваль комплексларның максаты – рус, татар һәм инглиз телләрендә көндәшлеккә сәләтле белем бирүне тәэмин итү, нәтиҗәле алымнар куллану, укучылар үзләренең, башка халыкларның мәдәниятләрен белә һәм аңлый, мәдәни, телләр төрлелеген хөрмәт итә торган мәктәпләргә әверелү. Бу комплекслар ЮНЕСКО Ассоциацияләшкән мәктәпләр халыкара системасы белән хезмәттәшлек итәр дип көтелә.

Совещание по вопросу создания в Республике Татарстан системы полилингвального образования

Киңәшмәдә ТР Дәүләт киңәшчесе Минтимер Шәймиев, Татарстан Дәүләт Советы Рәисе Фәрит Мөхәммәтшин, республика Премьер-министры Алексей Песошин, шулай ук Татарстанның кайбер министрлыклары, ведомстволары һәм белем бирү учреждениеләре җитәкчеләре катнашты.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10