ҺАВА ТОРЫШЫ +1 oC

Яңалыклар

барлык хәбәрләр Татарстан Россия

Авыл

Аксубай районында техникаларның язгы кыр эшләренә әзерлеген тикшерделәр

13 апрель 2019, 04:00 , Фото: aksubayevo.ru/

Аксубай районында техникаларның язгы кыр эшләренә әзерлеген тикшерделәр Техниканың язгы чәчүгә әзерлегенә кагылышлы хилафлыклар табылмады.

(Аксубай, 13апрель, "Татар-информ", "Авыл таңнары", Зинаида Леонтьева). Аксубай районы агрофирмалары арасында 2019 нчы елның язгы кыр эшләрен үткәрүгә әзерлек буенча смотр – бәйге узды. Бу турыда җирле басма хәбәр итә.

Комиссияне Татарстан Республикасының авыл хуҗалыгы һәм азык-төлек министрының беренче урынбасары Илдус Габдрахманов җитәкләде. Комиссия әгъзалары райондагы авыл хуҗалыгы предприятиеләрендә йөреп чыкты һәм язгы кыр эшләренә техникаларның әзерлеге белән таныштылар.

Хуҗалыкларның язгы кыр эшләренә әзерлекләренә бәяләмә бирү буенча комиссия беренче чиратта язгы кампания башлану белән кырга чыгарга тиеш булган авыл хуҗалыгы техникасының һәм тракторларның техник торышына, хезмәт коллективларында хезмәт иминлеген оештыру мәсьәләләренә, күчмә ремонт бригадаларының формалашуына, орлыкларны инкрустацияләүгә, минераль ашламалар белән тәэмин ителешкә зур игътибар бирде.

Беренче булып тикшерүчеләрне “Аксу Агро” агрофирмасында каршы алдылар. Иске Ибрай авылы янында авыл хуҗалыгы техникалары парадын оештырдылар. Заманча тракторларның, машиналарның, туфрак эшкәртүче, төрле модификациядә чәчүче агрегатларның тигез сафы иң таләпчән комиссияне дә канәгать калдырырлык иде. Техниканың язгы чәчүгә әзерлегенә кагылышлы хилафлыклар табылмады.

Комиссия әгъзалары хезмәт иминлеген саклауга бәйле эш белән таныштылар, бөртеклеләр складында булдылар, орлыклык материалның торышын тикшерделәр. Алар бөтенкүләм тикшерү узган һәм чәчүгә әзерләр. Делегация техниканы карап чыкты , остаханәдә, бөртеклеләр складында булды, ремонтчы механизаторлар белән очрашты.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10