ҺАВА ТОРЫШЫ +23 oC

Яңалыклар

барлык хәбәрләр Татарстан Россия

Хәвеф-хәтәр

Мунчада тәмәкесен сүндермичә йоклап киткән 47 яшьлек ир-ат һәлак булган

13 апрель 2019, 15:24

Фаҗига бүген төнлә Әлмәт районының Яңа Никольский авылында булган.

(Казан, 13 апрель, «Татар-информ»). Татарстанда 47 яшьлек ир-ат мунчада тәмәкесен сүндермичә йоклап киткән һәм шуннан уянмаган. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

«Бүген 3.08 сәгатьтә 112 бердәм номерына Әлмәт районының Яңа Никольский авылында агачтан салынган мунча януы турында хәбәр килде», - дип искәрттеләр ведомствоның матбугат хезмәтендә.

Чакыру буенча килгән ут белән көрәшүчеләр янгынны бик тиз сүндергән. Кисәүләрне аралаган вакытта, янгын сүндерүчеләр 47 яшьлек ир-атның мәетенә тап булган.

Янгынның мәйданы 42 квадрат метр тәшкил иткән. Фаҗига саксыз тәмәке тарту аркасында килеп чыккан дип фаразлана.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10