ҺАВА ТОРЫШЫ +13 oC

Яңалыклар

барлык хәбәрләр Татарстан Россия

Җәмгыять

"Татармультфильм" берләшмәсенең иҗади бригадасы Кукмара укучыларына мастер-класс үткәрде

13 апрель 2019, 19:00 , Фото: kukmor-rt.ru

Иң яхшы рәсемнәр "Век Татарстана-3" милли анимацион фильмына кертеләчәк.

(Кукмара, 13 апрель, "Татар-информ", "Хезмәт даны"). "Татармультфильм" берләшмәсенең иҗади бригадасы Кукмара балалар сәнгать мәктәбе укучылары өчен республика турында мультфильм төшерү буенча мастер-класс үткәрде. Бу турыда kukmor-rt.ru сайтында хәбәр ителә.

"Век Татарстана-3" проекты ТАССРның 100 еллыгына әзерлек кысаларында тормышка ашырыла һәм республиканың сәнәгать, тарихи-мәдәни үсешенә багышлана.

Аларның Кукмарага өченче тапкыр килүләре. Укытучыларның сүзләренә караганда, рәсем сәнгате бүлегендә шөгыльләнүче балалар әлеге чарада бик теләп катнашканнар.

Бу көнне һәркем төсле карандашлар һәм буяулар белән районның бөтен матурлыгын чагылдырырга тырышкан. Ә иң яхшы рәсемнәр "Век Татарстана-3" милли анимацион фильмына кертеләчәк.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10