ҺАВА ТОРЫШЫ +13 oC

Яңалыклар

барлык хәбәрләр Татарстан Россия

Спорт

Теләчедә Салават Фәтхетдинов призына көрәш буенча ярышлар узды

13 апрель 2019, 23:00

Шәхси беренчелектә җиңү яулаган яшь көрәшчеләрне һәм командаларны район кунаклары тәбрикләде.

(Теләче, 13 апрель, "Татар-информ", "Теләче-информ", Фәнил Нигъмәтҗанов). Бүген, ягъни 13 апрельдә Теләченең "Батыр" спорткомплексында Салават Фәтхетдинов призына 2003 елда туган һәм аннан кечерәк яшьтәге малайлар һәм яшүсмерләр арасында татарча көрәш буенча ачык республика турниры узды. Бу турыда җирле басма хәбәр итә.

Анда 29 командадан 315 яшь көрәшче көч сынашты. Командалар беренчелегендә Теләче,Кукмара, Авиатөзелеш һәм Балтач районнары уңышка иреште.

Чарада Татарстан Республикасы Президенты каршындагы мәдәниятне үстерүгә ярдәм күрсәтү фондының башкарма директоры Нурия Һәшимова, Татарстан Республикасы көрәш федерациясе башкарма директоры Равил Хәйруллин катнашты.

Ярышларны тантаналы шартларда муниципаль район башлыгы Илдус Зарипов ачып җибәрде. Шәхси беренчелектә җиңү яулаган яшь көрәшчеләрне һәм командаларны район кунаклары тәбрикләде. 

Танылган җырчы Салават призына ярышлар районда дүртенче тапкыр үткәрелде.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10