ҺАВА ТОРЫШЫ +27 oC

Яңалыклар

барлык хәбәрләр Татарстан Россия

Хәвеф-хәтәр

Әгерҗедә 70 яшьлек хатын-кыз сүндерелмәгән тәмәке төпчеге аркасында фатирында янып үлгән

15 апрель 2019, 13:28 , Фото: ГУ МЧС России по РТ

Әгерҗедә 70 яшьлек хатын-кыз сүндерелмәгән тәмәке төпчеге аркасында фатирында янып үлгән Янгын Лесопильная урамындагы бер йортта чыккан.

(Казан, 15 апрель, «Татар-информ»). Әгерҗедә 70 яшьлек хатын-кыз сүндерелмәгән тәмәке төпчеге аркасында үз фатирында янып үлгән. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

«Кичә төнлә Гадәттән тыш хәлләр министрлыгына Лесопильная урамындагы йортның бер фатирында нәрсәдер януы турында хәбәр килгән – күршеләр аннан төтен чыгуына игътибар иткән. 101нче янгын сүндерү-коткару часте хезмәткәрләре фатир ишеген ачып кергәч, аш бүлмәсендә 6 квадрат метр мәйданда идән һәм мебель януын ачыклаган», - дип искәрттеләр ведомствоның матбугат хезмәтендә.

Гадәттән тыш хәлләр министрлыгы хезмәткәрләре янгынны берничә минут эчендә сүндергән. Фатирда өлкән яшьтәге хуҗабикәнең мәетенә юлыкканнар. Янгын чыгуга сүндерелмәгән тәмәке төпчеге сәбәп булган, дип фаразлана.

Күршеләр белән аралашкан вакытта янгын сүндерүчеләр хатын-кызның икенче төркем инвалид булуын, ялгызы яшәвен һәм өеннән сирәк чыгуын ачыклаган. Ул шулай ук тәмәке тарткан һәм «яшел елан» белән дә дус булган.


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10