ҺАВА ТОРЫШЫ +13 oC

Яңалыклар

барлык хәбәрләр Татарстан Россия

Мәдәният

Халык соравы буенча Чаллы театры Казанга Зифа Кадыйрованың ике спектаклен алып килә

15 апрель 2019, 17:44 , Фото: архив / Салават Камалетдинов

Халык соравы буенча Чаллы театры Казанга Зифа Кадыйрованың ике спектаклен алып килә 27 - 29 апрельдә Казанда Чаллы театры гастрольләре уза.

(Казан, 15 апрель, "Татар-информ", Рузилә Мөхәммәтова). Халык соравы буенча Чаллы театры Казанга Зифа Кадыйрованың ике спектаклен алып килә. Чаллы театры өч көн эчендә Казанда биш спектакль күрсәтәчәк. Бу хакта театр директоры Рашат Фәйзрахманов хәбәр итә.

Чаллы театрының Казан гастрольләре 27 апрель көнне Мостай Кәрим әсәре буенча куелган “Ай тотылган төндә” спектакле белән ачыла. 29 апрельдә Әнгизә Ишбулдина пьесасы буенча куелган “Зәңгәр томан артында” спектакле белән ябыла.

“Бу ике спектакльне без Казанда фестиваль тамашачысына гына күрсәтә алган идек. Ә фестиваль тамашачысы ул бөтенләй башка. Бу юлы без аны театр ярата торган гади тамашачыга күрсәтәбез”, - Рашат Фәйзрахманов

28 апрель – театрда “Зифа Кадыйрова көне”: көндез 13.00 сәгатьтә – “Сагынырсың, мин булмам”, кич 18.00 сәгатьтә – “Язмыш сынавы”. “Зифа Кадыйрова китаплары буенча куелган спектакльләрне халык бик сорый, Казаннан йөзләрчә шалтырату булды”, - ди Рашат Фәйзрахманов.

29 апрельдә көндез балалар өчен Илгиз Зәйниевның “Урман club” спектакле әкияте тәкъдим ителә. Бу спектакльне “Шаян ТВ” яздырып алачак.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10