ҺАВА ТОРЫШЫ +2 oC

Яңалыклар

барлык хәбәрләр Татарстан Россия

Рәсми Татарстан, Спорт

Миңнеханов һәм Хәбиров Татарстан һәм Башкортстан хоккее легендалары матчында алка ташлады

17 апрель 2019, 20:58 , Фото: Владимир Васильев

Миңнеханов һәм Хәбиров Татарстан һәм Башкортстан хоккее легендалары матчында алка ташлады Уфада 30 еллык тәнәфестән соң беренче тапкыр Башкортстанда Татарстан көннәре ачылды.

(Уфа, 17 апрель, “Татар-информ”, Алексей Угаров). Татарстан Президенты Рөстәм Миңнеханов һәм Башкортстан башлыгы вазифаларын вакытлыча башкаручы Радий Хәбиров “Салават Юлаев” һәм “Урицкий исемендәге СК” хоккей командалары ветераннары арасында иптәшләрчә матчны ачтылар. Республика җитәкчеләре бозга символик алканы ташладылар.

Матч башланыр алдыннан Рөстәм Миңнеханов һәм Радий Хәбиров ике команда уенчыларын сәламләделәр. “Бүген Татарстанның зур делегациясе, шул исәптән спортчылар да сезнең искиткеч шәһәрегезгә килде. Бүген бик кызыклы уен булачак. Башкортстан һәм Татарстан өчен хоккей - иң төп спорт төре”, - диде Татарстан Президенты.

Башкортстан башлыгы вазифаларын вакытлыча башкаручы үз чыгышында Башкортстан җанатарлары Татарстан хоккейчыларын яраталар һәм башка командалар белән көрәшкәндә Казан клубы өчен җан аталар, диде. "Без тугандаш республикалар, без "Салават Юлаев" өчен җан атабыз һәм башка командалар белән көрәшкәндә "Ак Барс" өчен дә шулай ук җан атабыз", – диде ул.

"Нәкъ менә ветераннар командалары бүген без "яшел бәйге" дип атаган заманча хоккей данын булдырдылар", - дип өстәде Радий Хәбиров.

  • Башкорт җанатарларының горурлыгы – “Салават Юлаев” хоккей клубы үз тарихын 1960 елдан башлап саный. Ул ике тапкыр 2007-2008 һәм 2010-2011 еллар сезоннарында Россия чемпионы була.
  • "Урицкий исемендәге СК" – “Ак Барс” хоккей командасының элеккеге исеме. Татарстан хоккейчылары аны 1958 елдан алып 1990 елга кадәр үз свитерларында йөртә.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10