ҺАВА ТОРЫШЫ +17 oC

Яңалыклар

барлык хәбәрләр Татарстан Россия

Җәмгыять

Татарстанның ике президенты да күренекле татар шәхесләре исемлегенең башында тора

20 апрель 2019, 11:07 , Фото: архив

Татарстанның ике президенты да күренекле татар шәхесләре исемлегенең башында тора Социаль сораштырулар нәтиҗәләре буенча, Тукай өченче булып бара, - ди Гөлнара Габдрахманова.

(Казан, 20 апрель, "Татар-информ", Айдар Әхмәдиев). Социаль сораштырулар буенча, Татарстанның беренче Президенты, Татарстан Дәүләт Киңәшчесе Минтимер Шәймиев һәм Татарстан Президенты Рөстәм Миңнеханов иң күренекле татар шәхесләре исемлегендә беренче булып бара. Бу хакта кичә Тукай музеенда түгәрәк өстәл вакытында социология фәннәре докторы Гөлнара Габдрахманова әйтте.

  • Гөлнара Габдрахманова - Шиһабетдин Мәрҗани исемендәге тарих институтының этнология бүлеге җитәкчесе.

"Социаль сораштырулар вакытында, без респондетларга шундый сорау бирәбез: "Сезнең татарлыгызны нәрсә беркетеп тора?" Җаваплар шундый: тел, милли бәйрәмнәр, дин һәм тарих", - ди Гөлнара Габдрахманова.

"Ә татар тарихында һәм мәдәниятында кемнәрне иң күренекле шәхес итеп күрәсез, дигән сорауга җавап биргәндә, исемлекнең башында һәрвакыт Татарстанның беренче һәм икенче президентлары тора. Тукай өченче булып бара", - ди ул.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10